አዲስ አበባ ውስጥ ከ1 ሺህ በላይ አነስተኛ ስታዲየሞች መገንባታቸውን ጠቅላይ ሚኒስትር ዐቢይ አሕመድ (ዶ/ር) ገለፁ።
6ኛው የሕዝብ ተወካዮች ምክር ቤት 5ኛ ዓመት የሥራ ዘመን 2ኛ መደበኛ ስብሰባ ላይ ከሕዝብ ተወካዮች ምክር ቤት አባላት ለተነሱ ጥያቄዎች ጠቅላይ ሚኒስትር ዐቢይ አሕመድ (ዶ/ር) ምላሽ እና ማብራሪያ እየሰጡ ይገኛል።
ጠቅላይ ሚኒስትር ዐቢይ (ዶ/ር) በሰጡት ማብራሪያ፤ አዲስ አበባ ውስጥ ከ1 ሺህ በላይ አነስተኛ ስታዲየሞች ተገንብተዋል።
የአፍሪካና የዓለም ዋንጫ ባየ ቁጥር የማይቀና ሰው የለም፤ ይህንን ለመለወጥ በስፖርት መሰረተ ልማት ማስፋፋት ላይ በርካታ ተግባራት ተከናውነዋል ብለዋል።
በዚህም ወጣቶችን ከጫትና ከሺሻ ላይ ተሻምተን አውጥተን ኳስ ሜዳ እያስገባናቸው ነው ብለዋል።
ሜዳዎቹ በሚቀጥሉት 10 ዓመታት ለኢትዮጵያ ብሔራዊ ቡድን የሚሆኑ ተጫዋቾችን እንደሚያፈሩ ተናግረዋል።
