ሀገር በቀል ኢንተርፕራይዞች ለኢኮኖሚ ዕድገትና ለሥራ ዕድል ፈጠራ መሰረቶች ናቸው – ኢንስቲትዩቱ – Southwest Ethiopia Peoples Regional State Government Communication Affairs Bureau

Spread the love

ሀገር በቀል ኢንተርፕራይዞች ለኢኮኖሚ ዕድገትና ለሥራ ዕድል ፈጠራ መሰረቶች ናቸው – ኢንስቲትዩቱ

ሀገር በቀል ኢንተርፕራይዞች ለኢኮኖሚ ዕድገትና ለሥራ ዕድል ፈጠራ መሰረቶች ናቸው ሲሉ የፖሊሲ ጥናት ኢኒስቲትዩት ዋና ዳይሬክተር ፍቃዱ ጸጋ ገለጹ።

ኢኒስቲትዩቱ “ሀገር በቀል ኢንተርፕራይዞች መደበኛ ባልሆነ ኢኮኖሚና በወጣቶች ላይ ያላቸው ሚና” በሚል ከባለድርሻ አካላት ጋር ውይይት በማካሄድ ላይ ይገኛል።

በዚሁ ወቅት የኢኒስቲትዩቱ ዋና ዳይሬክተር ፍቃዱ ጸጋ እንዳሉት፤ ሀገር በቀል ኢንተርፕራይዞች ጠንካራና የሚሊዮኖች መተዳደሪያ ሆነው የሚያገለግሉ ናቸው።

እንዲሁም ለብዝኅ ኢኮኖሚ ዕድገት፣ ለሥራ ዕድል ፈጠራና ክህሎት መዳበር እንዲሁም ለማህበራዊ እሴት ግንባታ መሰረቶች መሆናቸውን ገልጸዋል።

በኢንተርፕራይዝ ልማት ዘርፎች የተደራጀና ቀጣይነት ያለው የፖሊሲ ድጋፍና ክትትል ክፍተት መኖሩን ጠቁመው፤ ኢንተርፕራይዞች ነጥረው እንዳይወጡ እንቅፋት እየፈጠረባቸው እንደሚገኝም አስረድተዋል።

ኢንተርፕራይዞቹን ቀጣይነት ባለው መልኩ የኢኮኖሚ፣ የፈጠራና ክህሎት እንዲሁም የወጣቶች የስራ ዕድል ፈጠራ ዋስትና መሆን የሚያስችል የፖሊሲ ድጋፍ ማድረግ እንደሚያስፈልግ ተናግረዋል።

የኢንተርፕራይዞቹን ተወዳዳሪነትና የምርታማነት አቅም ለማጎልበት የፋይናንስ አቅርቦት ሥርዓት ላይ ምቹ ምኅዳር መፍጠር እንደሚገባም ነው ያብራሩት።

አነስተኛ ካፒታል፣ የምርት ቴክኒክ ዘመናዊነት እና ሕጋዊ ጥበቃ አለመኖር ለኢንተርፕራይዝ ልማት ተግዳሮቶች እየሆኑባቸው እንደሚገኝ አንስተዋል።

ሀገር በቀል ኢንተርፕራይዞች የኢኮኖሚ ተዋናይ ብቻ ሳይሆኑ የአይበገሬነት ተምሳሌት የማህበረሰብ ምሰሶ መሆናቸውን ዋና ዳይሬክተሩ ገልጸዋል።

የዛሬው መድረክ ዓላማ የዘርፉን ተግዳሮቶች መለየት፣ የአቅም ግንባታ ስራዎችን ለመስራት እና ተለዋዋጭ የሙያ ህጋዊ ጥበቃ እንዲኖር ከፖሊሲ አውጪዎች ጋር ለመስራት ነው ብለዋል።

ዘርፉን መደገፍ ለገቢ መጨመር እና ኢኮኖሚያዊ እድገት ወሳኝ መሆኑን ጠቁመዋል።

መደበኛ ባልሆነው ኢኮኖሚ ውስጥ ያሉ ሀገር በቀል ኢንተርፕራይዞች ያላቸውን ኢኮኖሚያዊ ፋይዳ በመረዳት በፖሊሲ መደገፍ እንደሚገባም አመላክተዋል።

በተለያዩ የማህበራዊ ሚዲያ አማራጮች መረጃዎችን ይከታተላሉን

በዋትስአፕ

በሊንክደን

የሚያዝያ እና ግንቦት የጠቅላይ ሚኒስትሩ ቁልፍ ተግባራት ቅኝት ከምስል ጋር!