ኢትዮጵያና ኢትዮጵያዊያን በጋራ በተባባረ ክንድ በጽናት ተግዳሮቶችን በመቋቋም ጣፋጭ ድልና ስኬቶችን ማስመዝገብ ችሏል፦ ኢንጂነር ነጋሽ ዋጌሾ (ዶ/ር)

Spread the love

ኢትዮጵያና ኢትዮጵያዊያን በጋራ በተባባረ ክንድ በጽናት ተግዳሮቶችን በመቋቋም ጣፋጭ ድልና ስኬቶችን ማስመዝገብ ችሏል፦ ኢንጂነር ነጋሽ ዋጌሾ (ዶ/ር)

‎

‎ኢትዮጵያውያን በጋራ በተባባረ ክንድ የሚያጋጥሙ ፈተናዎችን በጽናት ተቋቁሞ ጣፋጭ ድልና ስኬቶችን መቀዳጀት ችሏል ስሉ የደቡብ ምዕራብ ኢትዮጵያ ህዝቦች ክልል ርዕሰ መስተደድር ኢንጂነር ነጋሽ ዋጌሾ (ዶ/ር) ገልጿል።

‎

በክልሉ እየተከበረ ያለዉን ‎የጳጉሜ 01 ቀን አስመልክቶ መልዕክት የክልል ርዕሰ መስተደድር ኢንጂነር ነጋሽ ዋጌሾ (ዶ/ር) እኛ ኢትዮጵያውያን በህብረ ብሔራዊ አንድነትና ትብብር ስንቆም የማንወጣው ዳገትና የማንሻገረው አንድም ፈተና የለም ብለዋል።

‎

‎በዚህም በታላቁ በህዳሴ ግድብ ያየነውን ትብብርና የተቋቋምነው መሰናክል የፈጠርናቸው አንድነትና ያስገኘነው ጣፋጭ ድል ባለፉት መቶ አመታት ውስጥ ከገኘነው ድል የላቀ ታላቅ ድል እንደሆነ ገልጸዋል።

‎

‎ሀገራችን ኢትዮጵያ በዘመናት መካከል እንደ ሀገር፣እንደ መንግስት በርካታ ፈተናዎችን ተቋቁማ በድልና በፅናት እየተሻገረች ትገኛለች ያሉት ርዕሰ መስተዳድሩ ይህም ለዛሬው ጣፋጭ ድል አብቅቶናል ብለዋል።

‎

‎ህብረ ብሔራዊ አንድነት ፣ወንድማማችነትና እህትማማችነት እሴቶችን ይበልጥ በማጠናከር የሚገጥሙን ፈተናዎች ጊዜያዊ መሆናቸውን በውል በመገንዘብ እጅ ለእጅ ተያይዘን የጀመርነውን ሁለንተናዊ ብልፅግና እውን ለማድረግ የበረታን ሆነን መገኘት አለብን ብለዋል።

‎

‎የኢትዮጵያውያን የቁጭትና የላብ ውጤት የሆነው ህዳሴ ግድብ የፅናት ተምሳሌታችን መሆኑን አብራርተዋል።

በተለያዩ የማህበራዊ ሚዲያ አማራጮች መረጃዎችን ይከታተላሉን