በ2017 በጀት ዓመት አስፈጻሚ አካላት በምክር ቤቱ የተነሱ ጉዳዮችን በተገቢው ማከናወን የቻሉበት እንደሆነም የምክርቤቱ አባላት ተናግረዋል። የደቡብ ምዕራብ ኢትዮጵያ ህዝቦች ክልል ምክርቤት 6ኛ ዙር 4ኛ የስራ ዘመን 8ኛ መደበኛ ጉባኤ ለተከታታይ ሁለት ቀናት ሲካሄድ የነበረው ማምሻውን ተጠናቋል። በጉባኤው የተሳተፉ የምክርቤት አባል የተከበሩ ወ/ሮ ገነት መንገሻ በግብርና እና በፕሮጀክቶች የተሻለ አፈጻጸም መኖሩንም ገልጸዋል። በተከናወነው የበጀት ዓመት…

የተቋሙን ሪፖርት ዋና ስራአስኪያጅ አቶ መንግስቱ መኩሪያ ለምክርቤቱ አቅርበዋል። ባቀረቡት የአፈጻጸም ሪፖርት ሚዲያ ኔትወርኩ በማህበራዊ የሚዲያ አማራጮች መረጃዎችን ለህብረተሰቡ ተደራሽ እያደረገ እንደሚገኝ አብራርተዋል። ተቋሙ የክልሉን ማህበራዊ ፣ኢኮኖሚያዊና ፖለቲካዊ ጉዳዮችን የተመለከቱ መረጃዎችን ለህብረተሰቡ በተዘረጉ የማሰራጫ ቴክኖሎጂዎች ተደራሽ እያደረገ እንደሚገኝም አብራርተዋል ። ሚዲያው በተሟላ አቅሙ መረጃዎችን ለህብረተሰቡ ተደራሽ ለማድረግ ተቋሙን በሰው ኃይልና በቁሳቁስ ለማሟላት ጥረቶች መደረጋቸውን አቶ…

ምክርቤቱ የክልሉ ዋና ኦዲት መስሪያ ቤት የ2017 በጀት ዓመት የዕቅድ አፈጻጸም ሪፖርትና የ2018 ዓ/ም ጠቋሚ ዕቅድ ላይ መክሯል። የክልሉ ዋናው ኦዲትመስሪያ ቤት ዋና ኦዲተር አቶ አስራት አበበ በ2017 ዓ/ም በተመረጡ የመንግስት መ/ቤቶችና ድርጅቶች ላይ የተከናወኑ የኦዲት ስራዎችን ሪፖርት ለምክርቤቱ አቅርበዋል። በቀረበው የኦዲት ሪፖርት በበጀት ዓመቱ በ35 ተቋማት የፋይናንሻልና ህጋዊነት ኦዲት እንዲሁም የ2016 ዓ/ም የክልሉ መንግስት…

የ2017 በጀት ዓመት የስራ አፈጻጸም ሪፖርትና የ2018 በጀት ዓመት ጠቋሚ ዕቅድ በክልሉ ጠቅላይ ፍርድ ቤት ፕሬዚዳንት በአቶ ቆጭቶ ገብረማርያም ቀርቧል። የክልሉ ጠቅላይ ፍርድቤት ፕሬዝዳንት አቶ ቆጭቶ ገ/ማሪያም ለምክርቤቱ ባቀረቡት ሪፖርት ፍርድ ቤቶች ነጻና ገለልተኛ ሆነዉ የዳኝነት አገልግሎት መስጠታቸው ለማህበራዊ እና ኢኮኖሚያዊ ዕድገት የራሳቸውን አስተዋጽኦ እያበረከቱ እንደሚገኙም ገልጸዋል። በየደረጃው የሚገኙ የክልሉ ፍርድቤቶች የተሰጣቸውን ህግ የመተርጎም ስልጣንን…

ረቂቅ የበጀት አዋጁን የበጀትና ፋይናንስ ጉዳዮች ቋሚ ኮሚቴ ሰብሳቢ ክብርት ወ/ሮ የኋላሸት በላይነህ ለምክርቤቱ አቅርበዋል። የቀረበው በጀት ከክልል ገቢ የሚሰበሰብ፣ከፌዴራል መንግስት ድጎማና ከሌሎች የገቢ ምንጮች የሚገኝ መሆኑን የቋሚ ኮሚቴው ሰብሳቢ አብራርተዋል ። በዚህም መሠረት ለክልል ማዕከል መ/ቤቶች መደበኛና የካፒታል ወጪ 2.2 ቢሊዮን ፣ ለዞኖች ጥቅል በጀት 23.5 ቢሊዮን ፣ ለክልላዊ ፕሮግራሞች 2.2 ቢሊዮን ፣ ለዘላቂ…

በውይይቱ ከምክር ቤቱ አባላት የተለያዩ ጥያቄዎችና በግብዓትነት የሚወሰዱ ሀሳቦች ተነስተው ምላሽና ማብራሪያ ተሰጥቶባቸዋል። ርዕሰ መስተዳድር ዶክተር ኢንጂነር ነጋሽ ዋጌሾ ከምክር ቤት አባላት ለተነሱ ጥያቄዎች ማብራሪያ ሰጥተዋል። ከምክር ቤቱ አባላት የቀረቡ አስተያየቶች እና ጥያቄዎች አስተማሪና በዝርዝር ዕቅድ በማካተት በቀጣይ የሚከናወኑ መሆናቸውንም ርዕሰ መስተዳድሩ ተናግረዋል። የ2018 በጀት ዓመት ዕቅድ ያባለፈው ዓመት ዕቅድ አፈጻጸምን መነሻ በማድረግ የተዘጋጀና እስካሁን…

ምክርቤቱ በሁለተኛው ቀን የ2017 ዓ/ም ተጨማሪ የበጀት ረቂቅን መርምሮ አጽድቋል። የተጨማሪ በጀት ረቂቅ አዋጅ በ2017 በጀት ዓመት ለመንግስት ሰራተኞች የ9 ወራት የደመወዝ ማሻሻያ ክፍያ በጀት መሆኑን የክልሉ ፋይናንስ ቢሮ ኃላፊ ወ/ሮ ወሰነች ቶማስ አቅርበዋል። የቀረበው ተጨማሪ በጀት ከክልል ጀምሮ እስከ ታችኛው የአስተዳደር እርከን ወርዶ ተፈጻሚ እንደሚሆንም ተገልጿል። በተጨማሪ የበጀት ረቂቅ አዋጅ 2 ቢሊዮን 247 ሚሊዮን…

በምክርቤቱ ጉባኤ ላይ የክልሉ መንግስት ርዕሰ መስተዳድር ዶክተር ኢንጂነር ነጋሽ ዋጌሾ የ2017 በጀት ዓመት አፈጻጸም ሪፖርት አቅርበዋል። ርዕሰ መስተዳድሩ ባቀረቡት የአስፈጻሚ አካላት ሪፖርት ላይ ከምክርቤት አባላት አስተያየት እና ጥያቄዎች ቀርበዋል። የምክር ቤት አባላቱ የክልሉ መንግስት አስፈጻሚ አካላት አፈጻጸም ከጊዜ ወደ ጊዜ ከፍ ያለ፣የሚታይ ለዉጥ ያለበትና የተሻለ አፈጻጸም የተመዘገበት በጀት ዓመት ነዉ ስሉ አስተያየታቸውን ሰጥተዋል። የምክርቤት…

የሠላምና ፀጥታ ስራዎች የክልሉን ሠላም ለማጽናት 491,389 የህብረተሰብ ክፍሎችን በሰላም፣ በብዝሃነት፣ በአብሮነትና በሰላም ግንባታ ዙሪያ ግንዛቤ በመፍጠር ተችሏል ፣ 60 የሰላም ምክር ቤቶችን በማጠናከር ወደ ስራ ለማስገባት ተችሏል። የሃይማኖት ተቋማት ለሁለንተናዊ ሠላም ግንባታ ያላቸው ሚና ለማሳደግ 32 የሐይማኖት ተቋማት ጉባኤ አደረጃጀቶችን ለማጠናከርና መደገፍ ስራ ተሰርቷል ፣ በየደረጃው ከሚመለከታቸው ባለድርሻ አካላት ጋር በመቀናጀት ከቀረቡ 63 የሃይማኖት…

በማህበራዊ ልማት ዘርፍ የትምህርት ልማት ስራዎች በትምህርት ለትውልድ ኢንሸቲቭ ከማህበረሰብ ተሳትፎ የትምህርት ቤቶች ደረጃ ለማሻሻል በተሰራው ስራ 711,748,341 ብር ማሰባሰብ ተችሏል። በተሰበሰበው ሀብት 661 አዲስ መማሪያ ክፍሎች መገንባቱ፣ 1,417 ነባር መማሪያ ክፍሎችን የጥገና ስራ ተከናውኗል፡፡ በክልል ደረጃ በልዩ ንቅናቄ 36 ደረጃቸውን የጠበቀ ሞዴል ቅድመ አንደኛ ደረጃ ትምህርት ግንባታ የሚሆን 185,527,812 ብር በማከናወን ላይ ይገኛሉ፡፡ በአርብቶ…